بس شوية
********
انتى فاهمة غلط لو تهونى
يبقى لية عشانك عشقى وجنونى
انتى فرحة عمرى الاولة
ابعد عنك ازاى معقولة
حتى لما تروحى مشغولة
بطير حواليكى بجناحين
كفاية عنيك لما ابصلها
كفاية بس اما تسبلها
دى حاجات معرفش اعللها
يفهمها بس العاشقين
بكون زى رضيع من غيرك
يحيرنى اوى شجنك حيرك
واخدة قلبى سيرة من سيرك
احنا لبعض كدة عايشين
دة انتى عشانك كل حنانى
لحظة بعدك فيها حرمانى
ضمة حضنك دى اوطانى
انسى فيهم بكون فين
بس استنى لسة شوية
انتى معايا ومن حوالية
تعدى البسمة استنى الجاية
يسعدو عيونى المغرمين
كل زهرة فى بستانك
تفرح لما تبقى عشانك
على شعرك او فستانك
هتسحرينى لحد فين
ارحمى قلبى من الحب شوية
فى فلكك جذبانى جاذبية
راضية روحى ضاحكة عينية
فرح عمرى بيكى فرحين
بقلم / حاتم صلاح
