الضمير العربي بقلمى/همس الشريف
اصحى ياضمير العالم العربي وشوف
على عينك يا تاجر وع المكشوف
الدم العربي ملا الكفوف
القرآن بينداس بالمداس
ومآذنا بتنهد من الأساس
واحنا مطاطين الرؤوس
اصحى ياضمير العالم العربي وشوف
على عينك يا تاجر وع المكشوف
كنا بنبكي على الدوره وياسين
دلوقتى الدور على وﻻدنا مستنين
كله كان بالقرآن والسنه
دلوقتى بالمصلحه واللقمه واللمه
بيبيعوا فى لحمك وارضك ياأمه
وولادك مطاطين الرؤوس
اصحى ياضمير العالم العربي وشوف
على عينك يا تاجر وع المكشوف
فرقونا من حضنك يا أمه
فرقوا الدفا واللمه
مبقاش فى بيوت ولادك فرحة العيد
بقا فى كل بيت دمعه على وليد
أو أسير سجين فى حديد
أو معدوم ظلم أو شهيد
شوفوا سوريا بقت دمار
بالزمه ده مش علينا عار
ولا العراق جفت اﻵبار
من الغدر وطمع الكفار
انهارت بقت خراب مفيهاش عمار
بالزمه مش عليكو عار
ولا فلسطين وليبيا واليمن وبلاد كتير
الدم العربى بقا رخيص ملوش تمن
ولا مصر أرض اﻵمان والنصر
أرض الحمى فى كل عصر
قالوا ثورة وتغير
اتاريها لعبه مرسومه لحرامى كبير
والكل قاعد على الطبليه
معاه طبق وسكينه مستنى نصيبه من الغنيمه
ومن الدم العربى بيملو الكؤوس
واللى يصرخ أو يتكلم يكون خاين حقير
أو أخوانى ارهابي خطير
الله أكبر ما بتعلاش ودمنا ببلاش
بعد ما كان اﻷسلام للعالم منار
بالزمه مش عليكو عار
واحنا تايهين لعروبتنا مش لقين
فينكم ياعرب فين العزه والشرف
ولا ده بس شعار ودمكم مش عارفين
أنتو عرب مسلمين وبالله موحدين
ولا بنى إسرائيل ولدمكم خاينين
اصحى يا ضمير العالم العربي وشوف
على عينك يا تاجر وع المكشوف
# همس
