((( فلفل شطه)))
فلفل شطه رفع الحاجب
طلع لسانه بيكايدنا
وشخط الشخطه
ودانه حمرا مذنهره
قرفان وعاوج الرقبه
وضارب شلاضيمه بوذ بطه
الغل فى قلبه بيفط الفطه
وعلى سنانه بيجذ الجذه
شطان وعليه زبطه
لوشافه حد هيموت من الخضه
معدنه صفيح مش دهب ولافضه
أنسان مريض تفكيره عقيم
مايسواش قرش حتة خرده
هتشوف منه أيه غير شغل أونطه
واخد وضعه وشارب الخلطه
عايش مرحرح ولاعمره تعب
فى شغل ولاحط خطه
مش همه حد أيه يعنى
ناس تتعرى وناس تتغطى
فى عنيه الناس أما خوانه طمعانه أوخدم منحطه
أركب ودلدل رجلك ماهى هيصه وزيطه
فى كل مناسبه وفى كل محطه
قاعد مستنى تمسك علينا غلطه
عامل ضغط وأعصابك برده
وضعت الخطه وزبطت الزبطه
هيجيلك يوم وتتخض الخضه
وتعيش الحسره وتصرخ على نبره
زى مابتظلم فى الخلق هتتظلم بكره
كلمات/محمودصلاح السيد1/2/2017
