1
شيللاه ياغرام انا عندي ندور
أنا جاي اعيش مش جاي ازور
ومولع قلبي وروحي بخور
عسى يرضى الحلو عليا قوام
شيللاه ياغرام .. شيللاه ياغرام
2
شيللاه ياغرام تقبل ندري
عنده اشفعلي يحن لأمري
قوله اني عشمت يكون قدري
مش عاوز غيره انا م الأيام
شيللاه ياغرام .. شيللاه ياغرام
3
من يوم ما بقيت مغرم عاشق
وندرت ألازمُه ولا أفارق
ما يغيب عني حتى دقايق
وان خدني النوم يجي في الاحلام
شيللاه ياغرام .. شيللاه ياغرام
4
أنا جاي أعيش هنا في رحابه
واخد بركة سِتره وبابه
وأجيب أكتر ما الناس جابو
احسان ودبيحة واوَفي صيام
شيللاه ياغرام .. شيللاه ياغرام
5
ماعادتش زيارة عيد تنفع
ولا حتى حضور مولد يشفع
انا جاي مقيم مش ناوي ارجع
ما انا نادر ندر وكسره حرام
شيللاه ياغرام .. شيللاه ياغرام
#بث_كدا
#وليد_مقار
