اعمل اللي يريحك ..

اعمل اللي يريحك .. 

ما انا ياما حاولت أريحك..

ولو مش لاقي راحتك ف قربي؟ 

بكل حب هودعك .

ولو مليت وجودي ف حياتك ..

مقدرش على حبي اجبرك ..

واعمل اللي يريحك ...

ولو رجعت تحن لماضيك ..

قولي .. وبأيدي أوديك ..

مادام ده شيء راح يرضيك ..

ووجودي .. مابقاش يلزمك ..

واعمل اللي يريحك ..

ولو صادفت حب تاني ؟؟

ونويت تتوب عن عنواني ..

عمري ما هبقى معاك أناني ..

روح له .. مادام ده هيفرحك ..

واعمل اللي يريحك ..

وبلاش خالص تحمل همي ..

حتى لو مات ف عنيك حلمي 

فانا أحزاني بتجري ف دمي ..

من قبل ما اشوفك واعرفك ..

واعمل اللي يريحك ..

وماتقلقش عليا ..

صحيح هتعب شوية ..

وأكيد هتبكي عنيا ..

لكن عمري ما هكرهك ..

وبدعيلك ربي يسعدك 

واعمل اللي يريحك ..

بقلمي /عادل محمود