((((  وينك يا يبه  )))))

وينك          يا يبه       وينك

تركتني      ما بين       الناس

القلب        يرتجي      حنينك

والبشر      فقدوا    الإحساس

طالت         عليا         سنينك

وغيبتك     تخنق      الأنفاس 

من   غيابك   والدمع    رفيقي

والكون        بك      ما ينقاس

غربتي       دايم        بطريقي

والناس   بعدك    مهي   بناس

وجودك    سند  لي     حقيقي

بغيبتك      فقدت      الحراس

أتنازل عن دنيتي لجل أشوفك 

واحط  راسي   فوق  أحضانك

أعوف  الكون كله  وما أعوفك

وأعيش       دنيتي      بأمانك

مشتاق       يا يبه     لحروفك

ما في    بها    الدنيا     مكانك 

ليه   تركتني   يا يبه  و رحلت

خليتني  ما بين  الناس  غريب

من  نار   فرقتك  والله  جهلت 

و جرح   قلبي     عيا   يطيب

أخذت شمس  دنيتي  و غربت

ومن  بعدك  ماعاد   لي حبيب

وينك يا يبه  عجزني   السؤال

ليتني أقدر مرة  أناظر عيونك

أدري يا يبه  طلبي هذا  محال 

ربي   بقدرته    دوم   يصونك 

العمر كله وانا على   ذا  الحال

القلب       بغيابك     محزونك

صائغ القوافي الشاعر 

فهد بن عبدالله الصويغ 

17-1-2017