((( أجمل هديه)))

رميت البذره فى أراضى 

حبيبه شريفه تصون عرضى 

دى أحلى وصفه وهديه 

سقيتها الشوق والحنيه 

لما نقعد قعدة صفا أنا وهى

فى وسط الدار على طبليه

وتغمس لى بأيديها لقمه هنيه

وتنظر لى نظرة رضا ومراعيه

الدنيا تنور من حوليا

أفرد  دراعى عليها أضلل

ضارب فى الأرض جذورى

وعلشانها بتحمل

حالف أعيش معاها وأكمل

وأن جيت فى يوم الريح قويه

وهزتنى وخلاتنى  أميل 

توقف تعدلنى وبهمه

خايفه عليا من الذله 

وترجعنى لنفسى من الأول 

بحس معاها أنى عيل 

وإنى على حجرها نايم بحلم وبتخيل

لأفضالها مبعدش ولابحسب

بس أعبى جمايلها وأكيل 

تسقينى عسلها وأنا أحمل 

أشرب وأقول ياريت أكتر

وأرد جمايلها  وأصونها

كلمات/محمودصلاح السيد6/1/2017