ايوه قابلتك صدفه
كده من غير اي ميعاد
و شبكت قلبي بنظرة
نسيتني كل اللي فات
ومسحت الحزن بضحكة
والفرحة بقي ليها ميلاد
والنظرة زرعت كلمه
و الكلمة طرحت ابيات
وكتبت اجمل غنوة
توصف اجمل اوقات
ولاقيتك جنبي في لحظة
ودابت بينا المسافات
جايبلي اجمل وردة
بعبير كل النسمات
و الهجر اتحول ذكري
والحب لوحده اهو آت
حبيتك قوي علي فكرة
والقلب رجعتله النبضات
قعدنا يجي كام ثانية
ناسيين ان هُمَّا سعات
كان نفسي نحكي لبكرة
لكن الوقت اهو مر و فات
يا سايبني انا و الوحدة
نحكي مع الشوق حكايات
ياريتني كنت انا انت
و اشوفك في كل المريات
عادل امام
