أخر رسالة
كاتبالى فيها استحالة
نقدر نكمل حبنا مع بعضنا
حسيت ساعتها بالألم
نطـــــــــــــق القلم
قاللى يا عم اكتبلها
عن كل لحظة عشتها
وألا أنت ناوى تنظلم
وبديت أفكر فى اللى كان
أيام زمان
والصمت نازل ع اللسان
والهم فوق عينى اترسم
والخوف مالينى من الفراق
هو إحنا مش بينا اتفاق
عمر اللى بينا ما كان نفاق
كان حب صادق محترم
ليه تجرحى قلبى الوفى
ليه كل معنى للمشاعر يختفى
ليه كل شمعة فى المحبة تنطفى
إيه خلى حبك مرة واحدة ينهزم
أنا بعشقك
ولا عمرى مرة هجرحك
جى النهاردة استسمحك
والحب بينا يكون حكم
يا قلبى فين الحب راح؟
هو أنت قادر ع الجراح
علشان يموت حلم الصباح
وفى عز حبك تنصدم
أرجوك حبيبى بالشوق تعالى
اسحب كلامك من الرسالة
حبك حبيبى ما كنش حالة
حبك حبيبى للناس علم
الشاعر / ناصر عبد المقصود
