()يادنيا()

يادنيا شو عملتي فينا

تَ نسينا كلّ غنانينا

جيناكي ونحنا ع م نبكي

وإنتِ ب ضحكه استقبلتينا

وصدقنا منّك هالضحكه

واغرقنا ا بّحر إمانينا

وا سرقنا منها كم بسمِه

وإنتِ من البسمِه اسرقتينا

وصارت إيّامك تتوالى

وتاخد منّا كل اسنينا

مَرّا ليل ومَرّا نهار

غفينا مَرّه ومرّه اصحينا

مَرّا حلوِه متل السِكّر

ومَرّا مُرّه متل الكينا

مَرّا بتروينا بالصحرا

وعند النّبعا مابتسقينا

بتخاف علينا من الشّمس

وهيِّ بجمراتا بتكوينا

بتحذّرنا من الأمواج

وبتغرقنا عند المينا

وابتوعدنا: بكرا أحلى

وبكرا بتنكرنا لو جينا 

وابتتعبنا وابتشقينا

ومع هيك الدنيا بتغرينا

وشو بدنا نحكي تا نحكي

هَي الدّنيا وهَي تكوينا

الله من عندو يصلحها

وتتحقق كل إمانيننا

فيصل أحمدالحمود

            4/5/2014