عاشق بهيه
وحالف اعشقها لاخر العمر
هيا الجنسيه
امي وام الشباب السمر
شاريها وشرياني
في عروقي وشرياني
زرعها ونيلها
خلاني اغنيلها
واقولها احلي أغاني
عشاني منها
الراس مرفوعه ومغرور
مولود وساكنها
اجمل بنات الحور
حالف لازم اصونها
واخلي بيوتها قصور
اللي اتحدت زمانها
وباشاره منها توقفه
وباشاره منها يدور
ام الدنيا ديا
وشيلها جوا عنيا
علشان كدا انا
عاشق بهيه
ريحه البخور ف العطاره
حبها رباني مش عايز شطاره
امي وابويا وولدي بحبك يا بلدي
7000 عمرها ولسي بنت بكاره
شطوط بحورها ترد الروح
في عنيا صورتها مطرح ما اروح
بلد النصر حبيبتي يا مصر
اسمك رفع راسي فوق للصروح
نهر نيلك ولا نهر الجنه
فداكي الروح يا كل ما اتمني
في كل عصر عظيمه يا مصر
وعمرك ما غبتي ف يوم عنا
يا محلي شمسك يا محلي شروقك
دم كل مصري ماشي ف عروقك
علمك ع كل شبر عاجز ف وصفك الحبر
الغالي تحضنيه والرخيص يتباع ف سوقك
متهابه م العالم منتيش لقمه طريه
مفيش فرق بينا في الاديان السماويه
مؤمنين بدين محمد وبدين عيسي
سامعين الاذان جمب جرس الكنيسه
طول عمرك ف عين حنا ومحمد وعنيا
علشان كدا بقول
بعشق بهيه
طول عمرك اهرماتك م العجايب
عاشق ترابك اللي فيكي واللي غايب
كرمك ملوش حصر عظيمه يا مصر
يا تاج راسي يا ست الحبايب
وانا صغير ولما كبرت
بشوفك دايما اجمل بنت
بسجد لربي حمد وشكر
اني منك وفيكي سكنت
اعظم شرف وانا رافع علمك باديا
بموت فيكي وخوفي عليكي اكتر من خوفك عليا
جيشك حميكي يارب يحفظك ويحميكي
رضايني وعيشاني وعشقاني وانا عيش يا مصر ليكي
جسمي من ترابك واسمك مكتوب فيا
علشان كدا انا
عاشق بهيه
قلم . محمد سالم ابو العمرين
