وقت الحساب##

لما نيست نفسها ..

وبعد ما كانت لى .وكأنها 

حلم حلمته وتانى يوم نسيته 

ومش فاكر منه غير أنى  رائيته 

بس مش فاكر ملامح

ولا كان سعادة ولا جارح 

ولا فاكر كلمه منه 

حتى لو كانت اسامح 

أسف بجد الغدر طبع 

فى قليل الاصل مالح 

طعمه غير كل اللى عشته واللى رائيته

اصله حلم كان وكأنى ما رآئيته 

.........

بس جه وقت الحساب 

بعد ما كان اللى كان 

ومش بلوم. ولا بعتاب 

كان زمان 

كان زمان ينفع الومك 

او اطبطب بالعتاب 

بس كان منك كتير 

والغدر منك كان كبير 

قفلت للعتاب كل باب

حتى لما احب اعزر 

أو احلل أو ابرر 

مش الاقى إ ى أسباب

غير انك حد خان 

حد باع حد هان علية موته

حد كان وراح 

ولا يستاهل عتاب ولا سماح 

حد كان له دنيا 

ودنيته كانت براح 

حد خان حتى نفسه 

غدرة اكبر م السماح 

ولما جه وقت الحساب 

كنت قاصد احاسب نفسى 

على اختيارى ...

على غلطتى فى حق قلبى

اصل كل الذنب ذنبى 

ازاى اصدق اللى خاين 

واللى غادر والكداب

لما جه وقت الحساب 

كنت بحاسب روحى 

على اهاتى وجروحى 

واللى كان منى فى حقى

لما امنت لذئاب 

وخال عليا مكرهم 

وما حصلوش وفا الكلاب 

لما جه وقت الحساب .

للأسف مافيش حساب

قطعت كل الورق 

وقفلت الكتاب 

.................ياسر الوحش 2016/12