هاعيش صابر
انا المصري و حسادي بيعادوني و من صغري
سقوني المر بانواعه مع همومي و من بدري
و هم سر ايلامي و تعذيبي و لوعتي و قهري
و بات القلب يتوجع و في وريدي الام تسري
و جفت كلها ورودي و غاب عني عبير زهري
و انا صابرعلى المقسوم و انا صامد ولا ادري
بان الدنيا داستني و ان همومي دي قدري
و كنت لحالي مستسلم مسلم للكريم امري
و ناظر انه يجي زمان احس ان اتصلب ظهري
و تضحك دنيتي تاني و يزورالفرح يوم صدري
و رب القدرة يرحمني و يكرمني جزاء صبري
و يصلح ربي لي حالي و يتقبل كمان عذري
و بات الحلم يجي اليوم و يجبر ربنا خاطري
لكن ايامي بتسرسب و ضاع مني جمال عمري
و انا الصابرعلى الماضي و عل الحاضر
و اقول دا اكيد يكون لهمومي يوم اخر
لكن ضاع الطريق مني وانا تايه و لا فاكر
و انا المطحون و حملي تقيل و مش قادر
انا اصرخ اقول الاه و خايف ارد أو اكابر
و خايف انني اشكو يقولوا اهو ولد ناكر
يقولواعدو لاوطاني و اني كمان ولد فاجر
و خايف يجي يوم و اغضب يقولوا يموت
دا واد شكّاي و لا قال عمره يوم حاضر
و يبقى الحكم بالاعدام و ذنبي انني صابر
من كلمات الشاعر / محـمد العراقي
