أغسطس، 2012 ·
للى ما يعرفش مصر والمصريين
مصر المحروسه
************
أيوه أنا فكرتك يا أبو ليفه
بزمان أيام التعريفه
أيام ماكانت الدنيا أمان
مليانه كتاتيب
تعليم قرأن
أيام مكان فيه مكان
تعيش فيه الناس فى امان
عيشه شريفه
و جيران البيت
والحيط ف الحيط
لو عايزفتله او حبة زيت
أهل وأصحاب
أحباب وجيران
مسلم ومسحى ويهودى
كلنا انسان
ومصر كان ليهاخليفه
أيام والنبي كانت حلوه
كان فيها الفن
وكنا بنستطعم الغنوه
عمرنا أيامها م شلنا الهم
وف عز الزنقه كلنا نتلم
والغاليه مصر
بشؤونها بنهتم
ونضحى عشانها
كمان بالدم
ماكفايه ياعم
أيوه أنا أفتكرتك
يا أبن الأيه
كنت ساعتها
يادوب بتعيش
بتلاته جنيه
وعندك بدله
وبتتقمع وبتعمل بيه
وتروح تتنضف
ف التنترليه
وتمشى ف شوارع
مصرالمحروسه
المرشوشه والمكنوسه
لحد معاد التشريفه
كانت حياتنا حلوه بجد
وكل أيد لأيد تتمد
تخلى الشيله تبقى خفيفه
أصحي للشغل بدري
والسكة تملى أمشيها
ولو اتأخرت اجرى
واجرى كام
حكايه ما اقدرش احكيها
وام العيال الله يخليها
تقوم م الفجر تعجن وتغسل
وكله على أ يديها
وتضبخ طبيخ الحريفه
و أم فاروق
كانت تنزل تلف السوق
تقضى حاجتها
وهى كفيفه
كان اى حد يوديها
وبأى لقمه نقضيها
ولا كان فيها هم
ولا فيه تيها
كانت عشتنا حلو خفيفه
وكنا عايشين على لمبة جاز
وكانت شبابيكنا فيها ازاز
وكنا قادرين نعمل انجاز
ونعيش لو حتى بتعريفه
بقلمى محمد بدر
