كلب الهـــــــانم دلدل بوذه
مدت بوذها الحلوة تبوسه
أصل الكلب د لازم يضحك
والبنى أدم جزمـة تدوسه
هى سياسة بلدى الحــــرة
عايشين والله سنينا المرة
حق الكلب يســـــــافر بره
والإنســان يدفعله فلـوسه
كلب الهانم فى السيــــارة
لابس السلسلة والنضارة
وابنى يموت جوا العبارة
علشان ياكل فولنا بسوسه
آه يا عــدالة يا دنيا زبــالة
ليكى فى طبعك مليون حالة
فين الشــعب فين الرجــالة
لما الكلب ده يعـلا نفـــوذه
وإن يوم كلب الهانم مغمص
تلقى الكـــــل واقف يترقص
وابنى فى هم الدنيا بيفطس
ولا فكــــرنا نبص فى بوذه
البنى أدم تمنه بيرخــــــص
تشترى منه اللى أنت تعوزه
كلب الهانم له كــــــذا ميزة
دمــعة عينه بتبقى عزيزة
أما دموع الخـلق رخيصة
لازم يضحك هو وسـوسو
كلب الهانم يا ســـلام سلم
أكل الأكــــل بتاعنا اتسمم
يوم ما يزورنى لازم يتكمم
ويوم ما يفكر يأكـــل أوزو
كلب الهـــــــانم دلدل بوذه
مدت بوذها الحلوة تبوسه
أصل الكلب د لازم يضحك
والبنى أدم جزمـة تدوسه
الشاعر / ناصر عبد المقصود
