()@(). يارافعين الدعم. ()@()
ليه بترفعوا الدعم
احنا مقدرين دعمكم
لا مره انكرنا الجميل
ولا تعبنا فيوم قلبكم
الغلابه فحيص بيص
والحرامي صبح بيهيص
واذي يعيش مخيمر
والسكر بنشوفه بصيص
شوفولكم طريقه تانيه
ترجعوا الدعم فثانيه
الاسعار ولعت نار
والتجار علينا جانيه
حولينا ديابه بتنهش
في قبورنا كمان بتنبش
ولحمنا بقا اكل رخيص
كلاب شغالة تنتش
بنقول منها يا معين
وربك قادر ومتين
يرجع دعم الغلبان
مش مسامحهم ليوم الدين
بقلم الشاعر عادل عباس
