----------بحبك بفقرك .......
نفس ابوس فوق ترابك كل يوم مرتين
بس باجى ابوس يدوسوا فوق رقبتي بجزمتين
مره جزمه فى صيدليه جات ف عينى
من دواكى عييت يومين
مره فالته جات فى بالى طعم لحمه
قلت أروح للجزارين
جاتلى جزمه جنب جيبى
طاروا منى الجينهين
ابنى شاف فى ايد زميله
مره لعبه
قالى بابا
هاتلى منها
قلت اجيب يا واد منين
وخفت اقابله من عينيه
طول يومين
نفسى ابوس فوق ترابك
كل يوم مرتين
بس باجى ابوس يدوسوا
فوق رقبتى بجزمتين
ابنى التانى مره تانيه
قالى بابا حاجه بيضه
فى ايد نفين
قلت بس كلمه واحده
دى تورته يا ابنى
مش ياكلها موظفين
وجالتى جزمه جوه فمي
ومن ساعتها مشيت ذليل
والمدارس جايه تفتح
جبت شنطه رغم عندى عيلين
قولت يالا يبدلوها
أصل هم فى فترتين
بس لسه عندى ازمه
اجيب منين الجزمتين
شفتى انى لسه حبك
رغم كل القسوة منك
ولسه نفسى ابوس ترابك
وأنى مش زعلان لفقرى
بس إل مزعلنى منك
أن رافعه
شرار ولادك
وداسوا فوق الغلبانين
قلت مره فى شعر سمره
وهافضل اقولك سنين
واللى شايف فيكى شغله
راتبه ما يجبوش يومين(وائل عمر)
