حكيت لك ع اللى جـــــوايا من الأخر

وقـــــولت لك بحبك بس مش قــــادر

أدارى فرحتى بحبك مـــــــا بين قلبى

وأنا شايفك ما بين سِربك ملاك طاهر

يا أجمل بسمة فى الدنيا بتكـــــــــــرر

ومين يقدر على بعدك عشان أقـــــدر

أنــــا اللى شفت فى عينيك جمال أكتر

بحبك يا للى فى عينيكِ جمال ســـاحر 

كــــــــــــــــــلامك لما بيجينى بيحينى

وصــــــــــــــوتك لما بيغنى بيشجينى

تعالى واضحـكِ براحتك ما بين عينى

ولــــــــو غبتِ يا نور عينى أنا صابر

تعالى نودع الأحزان ونضحك جوا دنيتنا

تعالى نكلم الأيام ما تنشر إلا ضحكتنا

تعالى نبعد الآلام عن الدنيا وعن بيتنا

وكل الناس هتحسدنا ولا يهمك أنا شاعر

هقول عنك كلام مـوزون فى كل ديوان

وأرسم جــــــــوا قصايدنا كمان بستان

وأخلى الناس تخلدنا فى كل مكـــــــان

وأكون عنتر مع عبلة ولو غبتِ أنا الخاسر

يا أجمل حب فى الدنيا بحبك حب مش عادى

بنام الليل وأنا فى حضنك أحس حبيبى بينادى

أقوم مفزوع على صوتك ألاقينى على ميعادى

وأنا ضامك ما بين قلبى وعن بُعدك مانش قادر 

حكيت لك ع اللى جـــــوايا من الأخـــــــر

وقـــــولت لك بحبك بس مش قـــــــــــادر

الشاعر / ناصر عبد المقصود