يا مكفنة جــــــوايا مية مليون آلم
أمتى أحســــــك واشترى منك قلم
أكتب على صدرى مواطن وافتخر
وأقول لابنى اللى اتولد قـوم للعلم
وأنده على كـل اللى فكر يجـرحك
أمى الأبية راجعـة تانى تفرحــــك
ارجع يا ولدى مصر بيتك مطرحك
والحلم يكبر والكل ينسى إنه انظلم
ما بقتش قــــادر ع الوجــــــــــــــع
قومى اسألى يا مصر فين راح الجدع
يمكن يكون فى بلاد غريبة وأتمنع
إنه يعــــــــود حضن الأبية ويتحرم
العيشة جـــواكِ يا أمى سنين مــرار
والفرحة ممنوعة يا أمى على الصغار
والهم ساكن جــــــــــــوا أحلام الكبار
والكل قاعد فى انتظار أمتى الفرج ؟
يا شمس قومى ونورى أرض الخليل
يوسف يا مصر فى شدتك أكبر دليل
عـــــدت علينا محنتك مالهاش مثيل
حلمك يا مصـــــر هحققه رغم الألم
قومى يا مصر وسمعى صوتك لكل المحرومين
الكل عايز يشترى فرحك يا مصر من السنين
ونعيش يا مصر جوا حضنك مرتاحين
غلبان غنى الكل واقف يندهك تحت العلم
يا مكفنة جــــــوايا مية مليون آلم
أمتى أحســــــك واشترى منك قلم
الشاعر / ناصر عبد المقصود