روحي بترفض
يتحسب عمرها
ويتكسر حلمها
بعدد السنين
جوايا بنت صغيرة لسه بضفاير
بتجري تحسب وقتها
بطير وطاير
عاشقة لخضرة في زرعها
وناس
على الحلم ده متعودين
شجرة وضلة
وقاعدة حلوة
ساعة العصاري متجمعين
راسمة ابتسامة فوق كل الوشوش
ماشية في طريق مابتخافوش
مفيش لا حزن ولا فيه أنين
عينيها على سرب الحمام
طاير لفين بيرمي السلام
وتقول حانبقى قريبين
عاشقة الحياه
وورد البنفسج
وخيوط أمل
بإيديها تنسج
وما تقول لفين
أخر الخطاوي
يا عمر ناوي
تبقى فرحة
ولا حزين
بقلمي ابتسام عوض حسن
