مواويل في حبك يا بلد
(اصل الحكايه)
شدي القلوع
وبلاش رجوع
للخلف دور
نادي لولادك يا بلد
في لحظه يوقفولك طابور
واقفين في وضع الانتباه
ومكملين وياكي
مشوا ر الحياه
رفضين مبادئ الخيانه والدمار
حالفين ليحموا كل طوبه
وكل زرع وكل دار
ويقولوا للتخريب
امشي وغور
اصل الحكايه مش كلام
ولا اي حاجه ف اي حاجه
يقولوك تمام
دول الولاد المخلصين
عاشقين ترابك من سنين
واقفين يأدولك سلام
وبيضربو تعظيم سلام
دول اصلهم عاشقين ترابك
واقفين وحراس جنب بابك
نادي عليهم هتلاقيهم
واقفين ف ضهرك انتباه
وبدون غرور
بس انت ياللا يابلد
شدي القلوع
وبلاش رجوع
للخلف دور
بقلمي/عبده النجار
