#مكتوب
فبطاقتى الشخصية
ان انا اسمر جنّى مصور
وبلادى السحر الشرقية
اكبر عاشق روحها الصادق
استاذ فى الشوق والملاغية
ومكتووووب..
مكتوب فكتاب الجغرافيا
ان بلدنا حجزت ناصية
فارضة الرؤيا
على تِم الكوره الارضية
ومحفوووور...
محفور على باب الأميرية
ان انا فارس
وبانيها حارس
ساكن بمساكن شعبية
وبحب الفول و الطعمية
ومشهووور ..
مشهور عنى... ان انا جدى
صيته معدى.. خدها تحدى
وزرعها بصبر وتضحية
وافخر بالقول كده ع العلنى
وبكل العز رافع يدى
وسع يا حليوه انت وهى
انا "ابن الحارة المصرية"
..
بقلم
#بهاء_اللبودى
