قصيدة( أنا اسف)
أحمد حمدى...........
أنا أسف
عشان سيبتك......
وأنا أسف
عشان حاولت أنساكى......
أنا أسف
ﻷنى افتكرت الغربة ....
خبرة.......
أتارى الغربة حزام ناسف.....
أنا أسف
وحقك عليا وعلى أهلى.......
أنا كيانى من طينك.....
وانا اللى زارع فدادينك.....
انا اللى ف الشدة بيندهالك......
أنا أسف.......انا اسف....
ﻷنى بجد مش .....
عارف...
مين اللى ظالم مين......
غلطت فيكى أنا ولمتك....
غلطت فيكى أنا ولمتك....
نسيت إنى أنا أبنك......
بس مين اللى ظالم مين.....
شوفت بعينى ناس فاجرة......
وناس فى الشرف تاجرة.....
ودا حالك بقاله سنين....
أنا اسف .... بس مين اللى ظالم مين.....
أنا أسف.....انا اسف.....
ﻷنى بكيت........
سافرت واتغربت.....
ورجعت انا للبيت......
سألونى أيه سبب العودة.....
قلت للوطن حنيت......
سافرت أنا ........ بعدت أنا......
وبعد الطواف ..... رجعت وجيت......
أنا أسف
وﻹجلى انا مدمعيش.......
أنا هتحمل فيكى حالك........
ولو هنام على فرشة خيش......
ولانى ابنك فأنا هصبر.....
وتراب أرضك هيتلون بلون أخضر......
حتى فى فصل الخريف......
أنا أسف
لو قلت فى يوم انا كرهتك......
أتارينى بمشي وراء تخاريف.....
أنا اسف
ودموعك انتى حزام ناسف.....
يوجهنى بدون تخاويف........
أنا أسف
يا بلد...... أنا الولد.....ابو رمش لونه كحيل......
واللى مهما عاش فيكى....
صعب انه يرد الجميل.....
بعد الاسف أحب اقولك انا مين.......
أنا ابنك..اللى تحت خط الفقر عاش....
واللى رغم جوعه.....
بيقول للناس أنا عايش........
لكن يا خسارة على الهامش.......
أنا اسف......
اسف لانى اتغربت عنك.........
ومشيت لغيرك وبعدت عنك.........
واحشنى نيلك.....
وسحر ليلك......
ومهما ابعد بحنيلك......
وراجعلك بعتذرلك .......
وبقولك انا اسف............Ahmed Hamdy
