نفسي اشوفك نجم عالي
نوره واصل للعلالي
ضيه بينور ساحات
نفسي اشوفك قلب طيب
خيره فايض من قريب
زي شريان الفرات
نفسي اشوفك يا حبيبي
يالي بوريدك حليبي
قلب احساسه ما مات
بس خايفه من زماني
الي فارض شكل تاني
فيه تفاهه وانحطاط
خايفه منه وخايفه منك
خايفه دربك يجري منك
وانت مش طايل فتات
مش هسيبك يا ضنايه
هستهجه معاك بدايه
حكمه تحفظها معايا
بيها تصنع معجزات
تفتكرها بعد مني
تدعي ليا بعد مني
راح تقول كنتي يا امي
المعلم من سكات
انتي اصل المعجزات
هناء حواس
