لازم تندمى

شعر غنائى

إسلام عامر

لازم ... لازم ..... لازم تندمى

وترجعى والدمع مالى عنيكى

وحزنك وجرحك ... مغيرين ملامحك

ووجعك بيألمك وبيموت فيكى

لازم ... لازم ..... لازم تندمى

انا كنت زمان مخلص ليكى 

بعت الدنيا وكنت شاريكى

ولما اطمن قلبك ليا

وشوفتى غلاوتك جوا عنيا

وملكتى روحى وكل مافيا

بعدت عنى وملقتكيش

صرخت ليكى كفاية حرام

فين الوعود فين الغرام

فين الامانى والاحلام

عملتى نفسك مشغولة

وعن جرحى منك ... قولتيلى

انا مش مسئولة

لازم ... لازم ..... لازم تندمى

روحى خلاص ماترجعيش

من بعد مامات فيكى الاحساس

امرك خلاص ما يهمنيش

خلصت حكايتك معاية 

وانتهى دورك كفاية

كلك على بعضك انتى 

ياخاينة ياللى ظالمتى

والله متلزمنيش

لازم ... لازم 

..... لازم تندمى .....

كلمات / إسلام السيد حسن السيد سالم عامر