كان بنا شئ
كان بنا شئ بس انتهي قبل الاون
وكلمة حلوة صغيرة فوق اللسان
ومقولنهاش
والنبض عاش جوه القلوب يحكي الم
عن قصة كانت احلي ما فيها نغم
وماعشنهاش
واللي بقي من ذكري حلوة في حبنا
دمع وبكي علي ظلمنا في حلمنا
واهو راح ماجاش
عشناها لحظة يا هوي كانت بعمر
واهو كل شئ راح وانتهي وايام تمر
محسبنهاش
وادي حكيتنا سوي طبع الهوي
ياما قلوب حبت ملقتش الدوا
راحت بلاش
بقلمي / الشاعر حمدي بركات
