سيدنا النبي قالها زمان
الاسلام هيعود غريب
هيعود غريب زي ما كان
صدقت يا سيدنا الحبيب
تشكيك في كل النصوص
ملاحده بتشجع لصوص
قطر الكفر طالع يدوس
اي قلوب فيها ايمان
مزاد كبير و الكل شاري
بس انت شكك ف البخاري
و الائمه الكبار
لا عاجبهم سنه او كتاب
خبوا الدين ورا الف باب
قالوا مفيش جنه ونار
يا رب ليك المشتكي
و انت اللي عالم ب اللي صار
عالم بكل اللي اتحكي
ناقص يقولوا الدين هزار
ابليس سعيد حقق مراده
و بيحتفل هو و ولاده
ب الانتصار
في ناس ورجعت تعبده
و تقيد شموع وتمجده
عملوله زار
يا رب ليك المشتكي
و انت اللي عالم ب اللي صار
عالم بكل اللي اتحكي
ناقص يقولوا الدين هزار
سيد صادق
