الموت قريب
ياايهاالرجل اللي ساكن ارضناالموت قريب
ولاعتش امن ولاامان حتي ابنهابيموت غريب
قسمه ونصيب واحنانصيبنانموت فطيس
ماركتنا من بين البشر لمايموت تمنه رخيص
والماركه دية عندنامتوفره
ماهي ماركه دون المستوي
في الشده يبقو في الامام
وفي النعيم يبقو ورا
وهربت مالفقر اللي كلبش في الهدوم
اناكنت باكل عيش وملح واحب ايدي واقول يدوم
وايام كتيرمالقيش فطاري احب ايدي واقول اصوم
عيشه بقت فقروهموم
فقولت الملم باقي عمري اللي اتسرق
قلولي ادفع اجرتك ونسفرك من غيرورق
ودعت امي اللي مافكرة لحظة نفترق
وركبة وسط الموج اناعلي حظناالمركب غرق
لم الجثث عدالجثث داري الجثث
ادي الجثث مين اللي حس
مين اللي شاف ام اللي مات ومسح دموعها
مين اللي بعد مامات ضناها يسد جوعها
مين اللي هيداوي وجعها
اه يابشر بقلوب حجر
وكل يوم بنزيع خبر
فيه اللي مات في ارضنا
وفيه اللي ميت في السفر
وفيه اللي مات في قطرنا
واللي في مركب جوا بحر
اسباب كتير اتعددت وكلهم بيموتوغدر
اشعات كتيراترددت ودمهم بيروح هدر
يابلادي ليه حالك عجيب
وكل موته بنشوفوها تخلي شعر الراس يشيب
ياايهاالرجل اللي ساكن ارضناالموت قريب
حلمي سلامه شاعرالاحلام