(( طول عمرك ))

طول عمرك وانتي حلوه
ياحبيبتي.. وزي العسل
في عنيكي دايماً فرحه
مرسوم فيها الأمل..

من صُغر سنك وانتي
طيبه وحنينه
وف قلبي كنتي الورده
اللي بتطرح هنا..

كٍبرنا وكٍبر معانا
قلوبنا الطيبه
مليانه بحب ولهفه
شوف من كام سنه..

الحب يزيد ويكتر
وقلوبنا شوقها أكبر
وعيونا ملانه حنين..

الدنيا طايره بينا
والطير بيلاحق فينا
عشان م المغرمين..

بحبك.. وحُبك في قلبي
الدنيا المنوره
يا حياتي ياروحي وعمري
ياجميله وصغيره..

اللّه يخليكي ليا
ولا يحرمني منك
ياللي انتي كل الدنيا
ولا يبعدني عنك..

ماهر البساطي..