اه م الشوق اللى ضنانى
وقلب من غيرك وحدانى
امانه عليك ونبى ياجميل
ازرع وردك فى بستانى
******
بحبك مهما تغيب عنى
وهفضل لقربك مستنى
ماليش غيرك وياه اغنى
وفى حضنه انسه احزانى
******
على بعدك انا مش قادر
ياابو قلب وجوده نادر
دانا بهرب من زمن غادر
دايما يتسبب فى اشجانى
******
ياللى فيك حلوت الروح
يلبلسم قلبى وكل جروح
الشكوة تعبت من النوح
من خوفها منك تنسلنى
******
ياترى فاكر ولا نسيت
كل ركن هنا فى البيت
لو كنت من قلبك حبيت
تعالى قيد نورو عشانى
