دنيا مقلوبه
فيها الميزان إختل
عملنا ٱعچوبه
ومعيشانا الزل
ملعون شيطانك وملعونه
يا طيبه فى حقد وغل
وملعون كل واحد عامل راجل
وبيتاجر
بكلمة وضحكة زى الفل
وهوة افاق ومنافق وطرحه
من غير تل
ملعون كل كداب عمل لنفسة كتاب
ويقيم الكل
ملعون شيطان متصور كلمته مطلوبه
وملعون كل حد ادام حلو الكلام اتشل
وملعون كل حد مش عارف لنفسه حد
وفاكر انه فوق الكل
وهوة يادوب كلمه .
او فكرة
او حتى سبوبه
وكدبه منسوبه
وغايه المراد كلمه ومش محسوبه
او حتى مدح بهجص
او كلمتين للرقص
و كمان لوحه مكسوره.
ماهو الميزان اختل
وبدلو ا الصورة
وكل صاحب غرض
مريض وف قلبه مرض
.مفتون بخيال وراسه مغلوبه
فاكر الفكرة لموناليزا مسحورة.
و حاسس الضحكه عليه بتطل
ملعون شيطان النزوه
اللى يخلى حكيم يختل
و يكون من المهاويس وعينه معصوبه
ملعون كل طماع
ملعون كل بياع
ملعون كل خدآع
وملعونه يا كلمه ربط وملعونه يا كلمه حل
زمن الاصيل أهو راح
وجه عديم الاهل يتنطط ع الكل
خلاص بقى يا بشر اصل الميزان اختل
و الكل بقى رقاص
على ورقه وقرطاص
وطبله مقلوبه
....اطلعى يا شمس النور
فى مرايه المنحل
يمكن يعرف مكانه بياع رخيص بالذل
عايش فى بحر نفاق هايغرق الكل
ماهى دنيا فيها العجب ترقص الطوبه
وناس شغلها تاكل فى لحم الكل
وزى ما قال المثل
بصله ف وسط فاكهة معطوبه
وعجبى
ياسر الوحش ..............