[][][][]. فين حقك يا مواطن [][][][]
بقول اه لاوجاعي
بقولها يا خواتي وليها داعي
صرخت وبح صوتي
وهصرخ لحد موتي
لجل ينصلح بعملنا حالنا
وإلا نرحل ونخلي مجالنا
لامتي ساكتين متكممين
سايبين الغلط و متكتفين
وكآن شغلتنافي الحياه
نشوف غلط ونعمله انتباه
بنسمع عن فساد في الوزرات
واحنا مبنطولش غير الاهات
فلوسنا من الاكابر منهوبة
واحنا في اديهم العوبة
في التعليم الدروس نهبتنا
ده كمان بيدي الدرس فبيتنا
في الصحة هتلنا قطن وشاس
وفي الخاص قاطعين ياعم الراس
وفي الاسكان الواد نفسه فشقه
تكون رخيصة وبدون مشقه
طب فين الحق في الدستور لما صيغناه
ده كده حقك يا مواطن خلاص تاه
كلمات الشاعر.. عادل عباس.. المحامي
