ابنى. بقلم / همس الشريف
ابنى ونور عينى وحشتنى يابنى
موتك كان قدام عينى وبأيدى إيه يابنى
غبت ياأغلى الأحباب ومن يومها الفرح معاك غاب
ومسبتليش غير الآلم والعذاب
ياضنا قلبى ياروحى وعمرى وكبدى سبتنى لمين يابنى
أنت كنت سبب فرحى بقيت نار الفراق وجرحى
ضحكتك مرسومه فى خيالى ليل نهار قبالى
طيفك مرسوم فى عينى وصوتك بماما بينادينى
وحضنك فى ليل الشتا بيدفينى
بعادك صعب اوى يا نور عينى
وبدعى ربى فينك يواسينى
وفى يوم الحشر تلاقينى
وبايديك لباب الجنه تودينى
وإضمك لحضنى تانى يا نور عينى
ابنى يا نور عينى فراقك كان على عينى
سبتنى لهمى وسنينى ولا فى عوض فيك يكفينى
لو كل يوم ضنى تانى ربى بيدينى
عنك ما يعوضوا القلب اللى داب
غبت يابنى واخدت معاك فرحى
كنت املى واصبحت دمعى والمى
بستنى اخرتى وبدعى ربى فى دنيتى
تكون أنت اول الأحباب ونور قبرى
يا زياد
**********
See Translation
Like
