سبحانه من خلق الجمال
وصورة في هيئة بشر
ياموا العيون متكحله
والشفايف لما تضحك
بسحرها تصوب سهامها ع الشجر
يطرح ثمر
ياعقد من نور إنخرط واما إنفرط
غطى على نور القمر
سبحانه من خلق الرموش
. فوق الجفون مترصصه

لو مرة ترمشي بدلع
تعمل لقلبي هلوسه
ياكويسه
يا أحلي من شهد وعسل
عشقك على ضلوعي أترسم
لما وصل
أيقنت أنك بين نساء العالمين ست النسا
قسما بمن جعل غرامك في فؤادي ملهمي
إنك ياست الحسن في هواكي مدرسه
أقسم بأنك تسكنين أضلعي
وتراوغين بصوتك في نومي دوما مسمعي
ولك وهبت الحب ياكل النساء
ياللي حنينك جوة قلبي بينتشر
سبحان من خلق الجمال
وصورة في هيئه بشر
هو إنتي إيه ؟
فعلا كده بقى زينا
ولا إنتي م الحور الكرام
ولا إنتي غاويه تشغلينا كلنا
مش لاقي في وصفك كلام
عجبا لك ياساحرة
ياقاتله.
يامعلمه عيوني السهر
من يوم ما حبيتك أنا مش عارف أنام
هل ترتضيني أن أكون بأضلعك؟
هل ترتضي حين أناديك أنا
أن أخترق أنا مسمعك؟
هل ترتضى أن أسكن الشفتين يوما
حتي أثير مدمعك
يالهوي ياااااه ما أبدعك
راح أعلمك إن غيابي مهما طال
أنا برضه عاشقك مش نسيكي
وهعلمك لويوم حزنتي م البعاد
في غيابي راح أسمي عليكي
وهعلمك الحب معناه الوفا
ياللي إنتي مليانه دفا
قلبي بحبك إكتفى
منقوش في قلبي كما الحجر
يامن حميتي القلب من ليل الضجر
يا ألف عام فيه أحلم باللقاء المنتظر
يانجمه الليل التي أدمت سهادي المفتقر
والنعمه انا شكلي كده
من بعدك إنتي راح أنتحر
هو إنتي مين ياطيب
ه ياشاغره الفكرالحزين
يامرسخه عشقك في نبض الولهانين
ياكاتبه إسمي و إسمك بالحروف النيرة
من فوق غلاف قلبي أنا
وانا اللي مشتاقلك سنه قولي سنين
أنا اللي مفتون من جمالك
درويش وقف بضريح مقامك
نظرة ومدد ياملهمه
ماشبعش أبدا من كلامك
ياموجه في البحر العتي
يامركبه تفرد شراعها ع الملأ
أنا اللي في حبك غرق
إرميلي نظرة وبسمه حلوة
تبقالي طوق يوم للنجاه
أديني لمسه حنينه
تمد في عمرى الحياه
يا ألف آآآآه
أنا نفسي أقولها
لو ف يوم يحضني صدرك
وأنساني في حضنك سنين
معرفش انا طب فين مداه
يا ألف آآآآآآآه
إنتي الأماني كلها بالمختصر
ياماسه من قطرة مطر
تنزل علي جروح العطاشي
بسرعه تتحول خضر
يانبع من بير المحبه الطاهره
ياقاهره لكل من خان وإعتذر
يامعلمه كل القلوب الصادقه
اللي بتوفي في حبها
خايف أموت ولا أنولش حبك ياقمر
حبيت انا وعارف بأن الحب وياكي خطر
لكن أعمل إيه ؟
من شاف جمالك يتسحر
أومال أن
ا لما قولتيلي بحبك
قلبي من يومها سكر
معذور ياقلبي وربنا ياخد بإيدك
ماهو عشقها أقصد كمان هي كلها
بقيت حياتنا ونبضنا وأجمل قدر

تامر النقيب .....مؤلفاتي وليس منقولا