ضاع الأمان 

ما تحاولش تقولي إنك كنت مجبر ع  السوكات

 و إنك أنت حنون و راقي و زي كل المخلوقات 

دا  أنت يا ما  كتير في  قلبي كنت بتحرك آهات 

كنت عاشقاك كنت شارية  كنت راضية بالفتات  

كنت أبات  مقهورة من  قسوة  فؤادك  بالليلات

 و أنت سهران جنب غيري ناسي كل الذكريات

و لما جيت أشكي و أعاتبك اخترعت الحكايات

و أنت بتبكِّي عيوني و أنت مبسوط  بالساعات

و كنت أقول أهو  بكرة يرجع دي مجرد نزوات 

 كنت وهبالك  حياتي و أنت في كل يوم  حالات

كنت أقول دا  حبيبي راجل كله  حلم  معاه أناة

كنت فاكراك يوم تجيني و تلغي بينا المسافات 

 كنت باحلم  بالرجوع و كنت عايشة الأمنيات 

بس يا خسارتك  يا غالي  ضيعوك  المغريات  

دمروا  قلبك وعقلك  أفقدوك  أحسن   صفات 

أفقدوك  حتى الشهامة  و غيروا فيك العادات

و الأحبة لما يقسو  تخضع الروس و الهامات  

آه  يا ظالم آه  يا قاسي آه على قلبي اللي مات

مش هسامحك عمري كله يا عديم الاحساسات 

يا اللي بيك ضاعت حياتي لأجل نزوة وأكذوبات  

أصل قلبي اللي اتظلم  مستحيل ينسى اللي  فات

من كلمات الشاعر / محـمد العراقي 

في 9 / 8 / 2016 م