طيفك
===========
طيفك متحنى
بحنه اسوانى
وخدوك ورد
بلدى وربانى
وابويا علمنى الادب
ووبدعيله انه ربانى
وكحل العين
سحره عادانى
وخد هوايا
معاه وودانى
على شط بعيد
وورانى
شط جديد
ومش متلوث
ولافيه سمك قرش
بيعض
ولا بيهوش
ولا متخصص لباشا
ولا حد عليه بيكوش
وروحت هناك
اقابلها
شافتنى
وضحكتلى
وبعتت لى
شالها الوردى
مع حمام
ابيض ومتوضى
وقصاصه من
ورق بردى
ورساله شكر
تدعيلى وتقوى
لوقوفى حامى
على ارضى
على عرضى وانى حسستها بامان
وبسلام وحب
بخوف على وطنى
وطلبت منى
ابادلها باشواقى
واراسلها واحكيلها
عن عشقى
وابعت لها
ورد فى جوابى
فى رجل
حمام متحنى
ولونه ابيض وريشه
طويل وبيغنى
وفضلت اغازلها
لحد النهار مايولى
وانا عاشق
طيفها الزهرى
وعن الاحقاد
والصراعات متخلى
وعن اى شىء يبعدنى
عن طيفها وينسينى
وجودها فى قلبى
ولعلى
اسكنها فى نن
عين قلبى
ويجينى نوم
من تانى
بعد ما طيفها
جانى
فى حلمى
و زرنى
واسرنى
=====================
بقلم ///محمد العليمى////