سنه وراها سنه
***************
عاشق ياليل الهوى و بداري
واللي عشقته ياليل مش داري
******
اول م شوفت بعيني عنيه
روحي راحت جري عليه
وقلبي سلم أمره إليه
وهو ياليل الهوى مش داري
*****
عاشق ياليل الهوى و بدارى
واللي عشقته ياليل مش داري
*****
وشوفته تاني ولا شافشي
شوقي إليه ولا عرفشي
إنه ياليل سهر رمشي
وهو ياليل الهوى مش داري
*****
عاشق ياليل الهوى و بداري
واللي عشقته يا ليل مش داري
*****
و ف ليله و يوم غير حالي
و لا حالي ياليل بقي من حالي
ولا عارف أيه اللي جرالي
وهو ياليل الهوى مش داري
*****
عاشق ياليل الهوى و بداري
واللي عشقته ياليل مش داري
*****
من غير ميعاد زاد ف العناد
وفتره غاب زاد ف البعاد
شغل لي بالي و راح ما عاد
وهو ياليل الهوى مش داري
*****
عاشق ياليل الهوي و بداري
واللي عشقته ياليل مش داري
*****
عدى يوم و يومين أسبوع
وأنا مش عارف ء الموضوع
وروحي معاه مش ناويه رجوع
وهو ياليل الهوى مش داري
*****
عاشق ياليل الهوى و بداري
واللي عشقته ياليل مش داري
*****
شهر و فات و انا والسكات
والفكر يدوور فيه بالساعات
ودايماً في خيالي كل الأوقات
وهو ياليل الهوي مش داري
*****
عاشق ياليل الهوى و بداري
وهو ياليل الهوى مش داري
*****
فاتت سنه و القلب داب
وانا و الضنى وليل العذاب
في غربته بقينا أحباب
وهو ياليل الهوى مش داري
*****
عاشق ياليل الهوى و بداري
وهو ياليل الهوى مش داري
*****
سنه وراها سنه ولا شوفتوش
شوقي و حنيني إليه مبيرحموش
عاشق ياليل الهوى لعنيه وللرموش
*****
وهو ياليل الهوى مش داري
***************
***************
الدسوقي جابر الدسوقي
