ايوه حاضر من عينيا
كل طلباتك مجابة
طول ما طالت ايديا
عايزه اخرج ازور قرايبى
وماله حاضر
عايزه اخرج مع صحابى
وماله حاضر
عايزه اسافر عايزه اغامر
عايزه ماتكونش ليا أمر
وماله حاضر
عندى فرصه شغل عال
سيبنى اجرب بس
ابقى خلى بالك ع العيال
وماله حاضر
عايزه اغير مود شويه
اصلى مليت الدنيا ديا
انت مش شايف فلان
عنده...ايه؟
عنده عربيه حكايه
وشقه تمليك بس تحفه
وعنده فى شرم شاليه
حاول تشتغل شغلانه
تانيه يمكن يوم نوصل
اليه
وماله حاضر
وفضلت اعافر وفضلت
احاول
واشتغل بنا ومناول
بس رزقى برضه واحد
هعترض على حكم
رب الكون حكملى بيه
ماهو الحياه والرزق والعمر
بايديه
عايزه ماتقوليش حبيبتى
عايزه تنسى ايوه يعنى
ترمى طوبتى
عايزه ماتجبش تانى سيرتى
وماله حاضر من عينيا
اصل ياما ان جيت عليا
بس الطبيعى لما انتى
تيجى عليا
انى ادوسك انى انسى
ضحكتك مهما كان دمعى بحور
مهما كان الليل طويل وطريقى
سد وفى كل خطوه الف سور
وماله حاضر