آاااه لو زمانها يعود !

ما بين ولادك يا غالية

واقفة كمثل العود

فاردة عليهم جناحك

بتزودي عنهم زود

الرأي عندك سديد

و كل شيء بحدود

شلتي الهموم كلها

و في البيت وتد و عمود

وقت المواقف حكيمة

قولك سهام و برود

يفتح بيبان الحقيقة

و يتخطى أي سدود

يسمعله أكبر كبير

و يقف كعود مشدود

فكرك يا أمي عميق

ما عرفش أي جمود

على ثقافتك يا غالية

عقلاء بلدنا شهود

حرفك بيغزو القلوب

و لا يا امه كان مردود

رأيك بوزن الذهب

عند الكبار معدود

أعيا العقول كلها

و لا كان له يا امه ردود

مثلك ما بين النساء

ما عرفت يا امه وَلُود

و اللي خصالك خصالها

حتما يا أمي يسود

غبتي فغاب الهناء

و لا عاد فَرَح موجود

وأنت اللى كانت حياتك

عطاء و فضل و جود

أكرم يا رب نُزلها

و عَطَّرَها مسك وعود

أسكنها واسع جنانك

و اسقيها ماء الحوض

من إيد شفيعنا النبي

رمز الكرم و الجود

الشاعر / محمد العراقي

في 25 / 7 / 2016 م