نظرة واحدة
لما العينين اتكلمت
قلبى قام من السبات
لقى نفسه فنان بيرسم
احلى لوحة من المشاعر
الوانها رقة بتوحى فكر لأى شاعر
ولما كانت هى نظرة واحدة
جريت بسرعة على بيتها من سكات
ابوها قاللى انت عارف قدرها
قلت طبعا وغيرت لى حالى لأنها
آية اصابت قلبى بسحر قاهر
وبقيت اسير هايم وطاير
واتلم شملى على ام الضفاير
وعشنا ويا بعضنا اوقات جميلة
واحلوت الدنيا معايا فى يوم وليلة
لما العينين اتكلمت
وقلبى صار رسام وشاعر
ينسج كلام ويلونه بأحلى المشاعر
ابراهيميات