شكوى الى القمر. بقلم / همس الشريف *
وآآآآآه يا قمر الليالى
مالك سهران حزين ودمعك سارى
بتبكى على حالك ولا على حالى
ولا على حال العاشقين فى الليل الطويل
مالك يا قمر ؟ قولى هتشكى لمين ؟
حالك زى حالى مجروح حزين
سابك ونيسك بين دمعك وصرخة حنين
نورك طافئ مخنوق من الانين
اشكى يا قمر..اصرخ يا قمر ..واشهد ياليل على الحب الحزين
احكى يا قمر ولا احكيلك انا
هفكرك يا قمر بليالى الهوى .بفرحتى ودمعتى وسعادتى وضحكتى
هفكرك بحبيبى وسهرنا فى ليالينا وانت كنت شاهد علينا
افتكرت يا قمر ولا انت نسينا
هفكر بالهجر والحرمان والحب وليالى زمان وانت معانا سهران
فاكر ياقمر كنت بتكسف من عشقنا لما بنطفئ نار حبنا
ولما بنبعد بنورك بتنادينا
كنت بتنور لينا واحلى شمعه فى ليالينا
خلاص يا قمر بقيت انا وانت لوحدينا
بنقاسى نار الفرقاء والبعاد ..ومفيش فى ايدينا غير الاشتياق
يلا يا قمر نمسح دموعنا بايدينا ملنش يا قمر حبيب يوسينا
