ابن النيل
يا روح ما بعدك روح
الضلع بات ملووح
حتى النفس موجوع
غرق قلوبنا جراح
اثيوبيا قفل مصدي
وله أكيد مفتاح
يا نكسره بأجنة
والضربة من شبيح
ما يخافش لون الدم
لو حتى مات مدبوح
ده ف شرع كل كتاب
مكتوب في أعظم لوح
في الموت قصاص وحياه
والحق مش ها يروح
ولادنا تشرب أيه
لو نيلنا كله شروح
والميه رزق الله
زي الفرح والنوح
زي الهوا والشمس
وكلامي ده تصريح
لو إني أموت وشهيد
أهون ما اعيش مجروح
وازاي أسيب ابني
من العطش بينوح
كل الحياة هوه
هو النعيم والروح
وبسمته سكني
والنظرة منه الدوح
والدنيا بعده تهون
يا روح ما بعدك روح
Like
