م
اضى وفات
كل اللى كان بيننا وبينك.......ماضى وفات أصبح سيره
فيه ذكريات عمر سنينك.......ساعات هنا وسنين حيره
أنساها أرجوك وانسانى........وبلاش تقلب تانى فيها
داويت جراحى بنسيانى ......جفف دموعك وداريها
ماتلومشى يوم أبدا ع الناس....خلى الملامه على روحك
واشرب بقى من نفس الكاس......وشوف دوا جديد لجروحك
أنا حزنى كله بجد عليك........لكنى راضى بنصيبى
ياما تعبت عشان أراضيك......أيام ماكنت انت حبيبى
ماعادش بيننا كلام يتقال........خلص زمان الحنيه
وماعادش ينفع تانى دلال.........ولا أمل ترجع ليا
سميها قسوه واللا غرور.........طيب وماله سميها
خلى حجاب الهوى مستور........مركب غرامى ف مراسيها
أتمنى يوم يصلح حالك..........وتلاقى حب جديد غيرى
وياه تحقق لأمالك..............انا قلبى مرتاح وضميرى
احمد عبد الوهاب ابن بيرم فى ٣\٧\
