الجمعه :24/6/2016
الساعه : 8،27 صباحآ
$ سعيد عبد القادر السيد $
* عاميه *
# ياما #
ياما جوه الدماغ ملايين
أفكار مش حلوه و زين
تبكي كتير العين
و تخلي الكل حزين
ياما جوه الدماغ ملايين
ياما جوه الدماغ تعابين
من سوء ظن العاشقين
ظنوا الأحباب خاينين
و هما أه مظلومين
ياما جوه الدماغ ملايين
ياما جوه الدماغ إحساس
بيجرح كتير في الناس
من سوء الظن أساس
حزرنا رب العالمين
ياما جوه الدماغ ملايين
ياما جوه الدماغ وردات
مليانه عسل شربات
لو تصفى الدماغ بالذات
الكل يعيش في نعيم
ياما جوه الدماغ ملايين
ياما جوه الدماغ أنغام
بتخلي العاشق ما ينام
لحبيبه بيهدي سلام
بمحبه و أحلى كلام
ياما جوه الدماغ ملايين
يا ناس يا خلق هو
الظن ده أرجموه
أيوه مليون أيوه
بيسبب في جرح أليم
ياما جوه الدماغ ملايين
أفكار مش حلوه و زين
$$$ كلمات
سعيد عبد القادر السيد
شاعر ال ش و ال ش
الشرابيه و الشرقيه
القاهره / أبو حماد
Like
