روح
ملهاش ابدا خط رجوع
ملهاش إسم
ملهاش رسم
وأهى حبة
جروح بتروح
نفس الضلمة
نفس ا لعتمة
نفس الماضي
اللي ملهوش لازمة
ماهي جملة
إتكتبت بوضوح
ساعات نحلم
بنفس الفكرة
وساعات ننسى
سؤال مطروح
روحي ياروح
انسي الأه
وانسي الدمع
اللي كتبناه
واوعي تعودي
كتاب مفتوح
دي كلمة اتسجنت
وضحكة اتمنعت
وعمر اتمنى
روحه تروح
دي مش قصة
ولا دي قضية
ولا طلعت
من الكوخ جنية
دي فراشة
في الفضا بتلوح
روح نسيانه
إن دي إنسانه
وفي قلبها
صعب إنه
يبوح
بقلمي ابتسام عوض حسن
