ياللي ماشية ع الطريق
شد بحرك كام غريق
نفسي اقول اني بحبك
بس قلبي مش جريء
***
ياللي ماشية ع الطريق
هدي مرة و مرة مدي
ياللي ف عيونك تحدي
ماتقوليش ما عليكي قدي
يلا ردي ع البريء
***
ياللي ماشية ع الطريق
و انتي جاية من هناك
نص جنية وملاك
والنص جنة بالهلاك
انتي وحدك كل شيء
***
ياللي ماشية ع الطريق
لو سمحتي.. ليه سرحتي
دا انتي بعيونك جرحتي
ف ثانية جيتي التانية رحتي
التالتة قلبي قاد حريق
ياللي ماشية ع الطريق
كلمات / مصطفى الجارحى
أعجبنيإظهار مزيد من التفاعلاتتعليق
