أجي أتكلم أتلخبط
ف كلامك أنا متشعبط
مع أني قبل ما أجيلك
يجيني كلامي متذوق متظبط
أنديلك وبنور بإديا قنديلك
ألقي القلب حب و متخبط
دا حنيني كل يوم بيجيلك
تفتحله الباب قبل ما يخبط
اوام بصوته يغنيلك
يطلع قلبك وعليا يتشرط
تيجي روحي تقولك أحنا مجانينك
ويبكي قلبي كأنه متخرط
مره واحده تراضيني
بكلمه حب عليا بتتسلط
أفرح بعيونك ترويني
أجي أكلمك ألقي كلامي
علي الأرض متفرط
بجمعو بشوقي وحنيني
أصلاً بكلمك وانا متلخبط
بقلم/ كريم الأسكندراني
