بحبك ليه
بحبك ليه وعشان أيه
قلبي ببساطه قدرتي عليه
شوية أسئلة تايهين ماشين
جوه القلب ساكنه النبض
تدق الدقه أدوب م الرقه
يغمي عليا ألقيني في الأرض
تنطق كلمه في لحظه أفوق
أطير في السما بالطول والعرض
أجيبلك نجمه تنور لياليكي
وقلبي معاها ما يغلي عليكي
ناسيت القصيدة كانت عن أيه
أيوه بحبك لكن ليه؟
ليه القلب شايل نبضه في كف أيديه
ليه العين شوقها فضاح
ليه القلب يسهرلك للصباح
ليه في بعادك نظره في قلبي
بشوق دباح
بتقول للروح مش قادره أرتاح
ليه في عيونك بلقي براح.
ليه الناس بتقول عقلي في حبك راح
أيوه في حبك بجد باكيت أنا جنيت
بلقي في قلبك حضن البيت
جوبي عليا ليه حبيت
بقلم/ كريم الأسكندراني
