حرّص من الخاينين

يا اللي الغرام مرمطك و بقسوته داسك

و ضغط عليك أتعبك و اتحدى إحساسك

ضيع سعادة جنابك و نادى وسواسك

ألهب نيرانه في فؤادك توه دليل راسك

ارفع جبينك و اقف و اعرف بقا خلاصك

اوعى الهوى يهزمك و يكسّر أقواسك

و خليك حريص من الندل اللي معاه عاصك

أبو قلب قاسي و مريض و بيعد أنفاسك

دا اللي تسره مصايبك و يتمنى تنغيصك

و في الهموم يرميك و يسعد بإغماسك

و لا يوم يمد إيديه و لا يرجو تخليصك

و يشرب بإيدك عسل و سمومه في كاسك

خاين في توب التقى و مسرور بإخلاصك

لما تقابله بشوش و يجري كدا و يبوسك

و هو مثل الحَنَش على السموم ماسك

طمعان تزول نعمتك و يروح له ألماسك

إغضب و ثور اقتله و ارفع عليه فاسك

و ارفض فعال اللئيم و انده على ناسك

هتلاقي جنبك حبايبك في الشدة حراسك

واقفين معاك في الألم و بيباركوا أعراسك

من كلمات الشاعر / محمد العراقي

في 4 / 3 / 2016 م