مضحوك عليكم يادكتاره
مسكت ..القلم ورسمت بايدي ديره بصيت عليها وعيني متحيره
النقطه....... مش مظبوطه صغيره مفحوته اصغر من حبة الكزبره
قسمتها لنصين شمال والتاني يمين و لقيت خطوطها متكسره
ياترا .........مين هيكون فرحان ومين هيكون حزين والايام قصيره
بنجري..... طول حياتنا علي وهم وجوا نفوسنا حجات متبحتره
جوانا.. مشاعر مش لاقيه سكة تمشي فيها والنهايه متاخره
مش....... عارفين دموع ولا ضحك ولا حزن ولا فرح ولا مسخره
تعبنا ..قوي من كثر المنظره وليه طول عمرنا بنعشق الفشخره
فلوسنا..... ضاعت علي المنكير والبودره والوان وبويه وسنفره
ليل نهار اتكلم بالمحمول بكلام تافه و لسه عقولنا متسنكره
فاكرين .....الدنيا بيوم راح تسقينا سكر بدل عيشتنا المتمرره
من ...سنين عايشن زي ماحنا ومفيش حاجه بحياتنا متغيره
بنكدب...... علي نفسنا وبنحلم بيوم ان اخرتنا هتبقي منوره
بس ............اقول ليكم انتوا غلابه ومضحوك عليكم يادكتاره
الشاعر مدحت فضل
